Xohana Torres, destacada poetisa galega morta no ano 2017 contará cun espazo propio en Redondela ao decidir a concellería de Normalización Lingüística, que xestiona a alcaldesa Digna Rivas, dar o seu nome ao parque infantil da Alameda Castelao.

É un xeito, explica a alcaldesa redondelá “de que nenos e nenas, no seu lugar de xogos, poidan coñecer a figura desta muller que foi unha das primeiras que escribiron en galego durante a ditadura franquista”.

O parque contará cun panel explicativo, con información tanto para persoas adultas como para nenos e nenas, no que se dará conta do papel pioneiro de Xohana Torres na literatura galega. Ao acto de nomeamento do parque infantil co seu novo nome, que terá lugar o domingo 26 de xullo ás 12 horas, espérase a participación da familia da escritora falecida. O acompañamento musical correrá a cargo de Antía Muíño, promesa da música galega e que ven de triundar nas Festas do Apóstolo de Santiago.