O concelleiro de Tráfico, Sergio Casal xustifica que as multas a 25 camións formuladas pola Policía Local na noite do luns 3 ao martes 4, na zona das Sequeiras, "responde ás repetidas queixas veciñais que demandaban que o Concello dera cumprimento á ordenanza municipal que prohíbe circular e aparcar ao tráfico pesado dentro do casco urbano”.

O Concello do Porriño consigue así  recaudar 5.000 euros en dous días mentres que o concelleiro responsable, Casal Quintas, di que "esta ordenanza municipal foi elaborada e aprobada en 2012 polo goberno municipal que presidía entón Nelson Santos".

Quintas recoñece que  "toleraron" o aparcamento de camións durante o estado de alarma

O concelleiro explicou que durante os estado de alarma, “houbo certa tolerancia” pero en canto rematou e recuperouse a normalidade, "a Policía Local advertiu reiteradamente da prohibición aos transportistas".

No comunicado de prensa emitido polo Concello do Porriño aseguran que "a noite do pasado luns 3, o concelleiro recibiu diversas chamadas de veciños da zona protestando pola acumulación de camións aparcados. Sergio Casal solicitou a Policía Local que intervira o que desencadeou as 25 multas que impuxeron".