Segundo unha nota de prensa publicada fai escasos minutos polo BNG de Mos "dirección do Instituto que vén de presentar a súa dimisión".

O BNG de Mos a través deste comunicado, ven de amosar o seu "total apoio á equipa directiva do IES de Mos que vén de presentar a súa dimisión, así como a todo o persoal docente e non docente (de administración, limpeza, conserxes, bedeis, etc.)".

"Levamos denunciando, dende hai varias semanas a improvisación e o abandono de funcións por parte da Xunta de Galiza e da Consellería de Educación. Dende o goberno galego pretenderon facer recaer sobre os centros educativos e o profesorado non só a responsabilidade de educar, senón tamén a de garantir a súa seguridade e a súa saúde. Todo isto, sen recibir nin o máis mínimo apoio dende as administracións, nin a través dun reforzo de persoal nin en forma de recursos materiais. O nivel de improvisación é tal, que en apenas tres semanas a Xunta modificou as condicións do inicio escolar ata en tres ocasións. Por mor desta falta de planificación, foi preciso atrasar o inicio do curso nos centros de secundaria unha semana" explican os nacionalistas mosenses.