Co inicio das clase, os colexios e o instituto de Mos tiveron que adaptar as súas instalacións cos actuais protocolos. Víronse na obriga de desdobrar aulas e incluso, prescindir de certas clases ou actividades nos seus horarios.

No caso concreto do IES de Mos, sendo o único instituto público co que conta o Concello, tiveron que reorganizar as súas aulas para albergar a máis de 700 rapazas e rapaces de forma segura. A día de hoxe, o centro precisa da incorporación de 5 profesores máis para ser operativos a partires do o vindeiro día 23, data fixada pola Consellería de Educación para o comezo en secundaria.

Esta petición foi comunicada, a día de hoxe, en varias ocasións os responsables educativos sen obter resposta segundo explican fontes do PSOE local

Ante tal situación de incerteza e sen obter máis axuda por parte da Xunta, por ser esta quen ostenta a competencia en educación, o órgano directivo do centro presentou a súa renuncia.

Dende o Partido Socialista de Mos, instan a que "o Concello preste a axuda pertinente para que o centro poida abrir as súas portas con 5 mestres máis". A voceira socialista di “non entendo coma a alcaldesa está máis preocupada de facer un desgaste do goberno central que de convencer os seus compañeiros de partido na Xunta”, engade “que o centro non dispoña deste persoal suporá para os nosos rapaces non poder ter clases de apoio cando o precisen”.

Victoria Alonso recórdalle a rexedora local que" a súa labor é velar polo bo funcionamento dos servizos do concello e neste caso, as e os mosenses precisan que defenda a educación pública diante dos seus compañeiros de partido, os rapaces xóganse unha educación de calidade dentro das circunstancias que vivimos que non lle podemos negar". Ademais, a voceira tamén reclama "que se apoie a directiva do centro que fan unha dobre labor velando pola seguridade do alumnado".