O pasado xoves aprobánronse definitivamente no pleno extraordinario os orzamentos do ano 2020 cos votos a favor de Movemento Salceda e PSOE e o voto en contra do PP de Salceda. Xa o explicaron no seu momento no pleno ordinario de agosto e o volveron a facer neste último pleno, e este voto en contra débese a que din, “os orzamentos que presentaron desde o bigoberno MS-PSOE NON teñen en conta a actual situación de pandemia que estamos a vivir, cuxas necesidades mudaron, e nas que é impresicindible invertir máis en partidas de servizos sociais para axudar ós veciños que teñan necesidades. Estes orzamentos fomentan desigualdade, incoherencia e descoñecemento do que estamos a vivir, porque vemos como continúan destinando moito diñeiro a partidas como publicidade, propaganda e protocolo, en vez de invertilo en partidas de suma importancia como educación e/ou servizos sociais” sentenciou Joaquin Núñez, Concelleiro do Grupo Popular.

Según manifestan, o seu grupo ven actuando de forma coherente, “desde o grupo propular de Salceda fixemos unha reclamación a estes orzamentos na que plantexamos 4 puntos para minorar gastos innecesarios. En primeiro lugar, minorar 20.000€ os gastos xurídicos, os cales derivan de conflictos cós traballadores. En segundo lugar, minorar a partida de publicidade, propaganda e protocolo en 43.000€. Esta partida ten un presuposto de 95.000€ e  coa reducción que plantexamos quedaría en 52.000€. En terceiro lugar, propuxemos unha reducción de 40.000€ na partida de festexos, xa que, na actual situación na que nos encontramos, derivada da COVID-19 non se celebraron festas como O Cristo ou a tradicional Festa dos Callos, polo que consideramos que teñen unha partida moi elevada tendo en conta que non se puideron, nin poden neste momento, celebrar festas. En cuarto e úlitmo lugar propuxemos rebaixar un 35% o coste do goberno, é dicir, 90.000€, pasando dos 259.000€ destinados actualmente a 169.000€, e aínda así, con esta rebaixa, o coste do goberno salcedense sería maior cós concellos limítrofes, supoñendo 18€/hab” sinalou Joaquin Núñez.

Según indican o sconcelleir@s populares, unha das críticas a estes orzamentos son as partidas de educación e de servizos sociais, posto que “o bigoberno presenta uns orzamentos que destinan a área de educación, concretamente á partida de limpeza/aseos a mesma cantidade neste 2020 que no ano 2019, cando as necesidades son completamente distintas e a limpeza dos centros educativos é unha competencia municipal, ao igual que na área de servizos sociais, á partida do SAF (Servizo de Axuda no Fogar) lle destinan a mesma cantidade neste 2020 que no ano 2019. Ademáis, entre as facturas pendentes de pago do ano 2019 que ascenden a 270.500€, a cantidade dispoñible de gasto é tan só de 129.500€, que cubriría o servizo dos primeiros catro meses deste ano, polo que de maio a decembro de 2020, quen lle paga a empresa que presta o servizo?” sinalou Joaquin Núñez.

O mesmo acontece coas subvencións ás asociación, como todos os anos “as asociación de Salceda reciben unha subvención co mesmo importe sin ter en conta as súas necesidades, e independientemente do que realicen, do número de socios…” sentenciou Santiago Rodríguez Davila, voceiro popular.

E para finalizar, manifestan que “en canto ós anexos de inversións, nestes orzamentos non presentan un proxecto concreto, simplemente uns anexos con valor de 313.800€, é dicir, que os proxectos a levar a cabo daranse a golpe de ocurrencia.  Ademais, dese total minoran do Plan Económico Financieiro 125.000€ (aprobado en maio), hai que restar 42.500€ do 2º REC e 49.900€ destinados ao 1º REX, é dicir, o anexo de inversión contará con 105.000€ para novas obras nestes orzamento de 2020, ano que está a piques de rematar e, como sinalamos, non presentan ningún proxecto concreto” trasladan os seis concelleiros do Grupo Municipal Popular.