1137. O duque de Aquitania -a rexión máis cobizada de Francia- aparece morto en Compostela. O corpo queda de cor azul e coa marca do «aguia de sangue», unha ancestral tortura normanda. A súa filla Eleanor decide vingarse e para iso casa co fillo do que cre o seu asasino: Luy VIN o Gordo, rei de Francia.

Pero o propio rei morre durante a voda en idénticas circunstancias. Eleanor e Luy VII tentarán pescudar, xunto cos gatos aquitanos -os épicos espías dos duques-, quen quere aos inexpertos reis no trono.

Décadas antes da morte do duque de Aquitania, un neno sen nome é abandonado nun bosque polas súas cinco nais. Seica un monstro, ou talvez un santo, o pequeno sobrevivente acabará converténdose nun dos homes máis excepcionais do medievo europeo.

Un cativador thriller histórico que atravesa un século repleto de vinganzas, incestos e batallas. Un turbador misterio ao redor de tres vidas que forxarán o que máis tarde se chamará Europa.

Volve a autora da exitosa Triloxía da Cidade Branca (O silencio da cidade branca, Os ritos da auga, Os señores do tempo).