"Xa é unha práctica habitual do goberno local a súa falta de planificación, isto provoca que sexa inviable circular con normalidade polo centro urbano. Se o quixesen facer peor sería imposible" denuncia dende ACIP.

"Estas prácticas son unha puntilla mais á delicada situación que está a vivir o noso comercio local, e que ven como o goberno BNG-PSOE día a día failles máis difícil a súa propia existencia".

O Portavoz municipal de ACiP Juan Carlos González Carrera defende a realización de obras, pero sempre con sentido e planificación para evitar as mínimas molestias aos condutores, que ao final son visitantes e compradores no noso Concello, que día a día desaparecen e empézanse a trasladar a realizar as súas compras a  Concellos  limítrofes polo caos existente e o acoso da Policía Local, é mais, neste mes deberíanse paralizar todas as obras como fan en todos os  Concellos para facilitar a mobilidade, e que realmente a policía local realizase unha función de información, colaboración e regulación do tráfico, pero para isto non lle dan ordes.

"Ponteareas está tomada polas empresas construtoras que fan o que consideran sen ningún tipo de control, empresas que todas son de fóra do propio  Concello, e vemos como cortan o tráfico na súa totalidade, teñen rúas levantadas durante dúas semanas, e non pasa nada" sinala.

"Diante da Gardería Municipal Domínguez Benavides, leva tres semanas pechada e sen rematar.
Rúa Castañal, acceso de tráfico á estación de autobuses e zona de máis de 2.000 vivendas pechada hai máis de dúas semanas" engade.

"Rúa Vidales tome pechada máis de dúas semanas, Avda. de Galicia un único carril de tráfico, pero o lóxico non sería rúa pechada por obras, rematar nesa rúa e posteriormente realizar o mesmo na seguinte?" pregúntanse dende ACIP.

"O mesmo ocorre coas obras da Praza  Bugallal, máis coñecida como Praza da igrexa, que están paralizadas desde hai mes e medio. O lamentable de toda esta situación é a falta de vontade política, e dicir a verdade aos cidadáns, como que a empresa subcontratada das obras “escapou” literalmente, e ese é o motivo real da súa paralización. Non mentir dicindo que é pola aparición de amianto falso, pois na propia praza non existen tubaxes, e as existentes pola rúas adxacentes son tubaxes de auga que en todos os Concellos de España son de fibrocemento ao ter máis de 50 anos. No propio proxecto xa indica e recolle a substitución das mesmas".  

"Advertimos ao goberno local que estaremos atentos do incumprimento da lei que están a facer as empresas adxudicatarias de obras, que subcontratan na súa totalidade as obras cando esta prohibido por lei, e así pasa o que pasa, como en San Roque onde desapareceu a empresa adxudicataria con máis de 60.000 euros, e agora paralizada a Praza  Bugallal" EXPLICA.

Dende ACIP solicitan  ao  Concello que "reconsidere dita situación e poña en marcha un  verdadeiro plan de axuda ao noso comercio, paralizando as obras ata despois de nadal e cre unha situación real de atención aos visitantes que queiran vir ao  Concello a realizar as súas compras, iso se sería unha gran axuda para todos".