CAKE é unha compañía sueca que deseña e fabrica motos lixeiras 100% eléctricas nadas da paixón polos deportes extremos e coa misión de desenvolver produtos de gran calidade, elevado rendemento e sostibles. CAKE é consciente de que o desenvolvemento da propulsión eléctrica supoñerá un cambio positivo no futuro das motos e que os seus clientes así o aprecian.

Os seus deseños minimalistas, cunha gran pureza de liñas, non deixan de lado a funcionalidade, cunha versatilidade nunca antes ofrecida por ningún fabricante. Non en balde, un modelo como a Ösa ofrece ata 1.000 posibilidades de configuración diferentes. Para adaptarse tanto ao esquiador ou surfeiro que queren levar as súas táboas como para a repartición de comida a domicilio sen que esta perda a súa temperatura ou ao carpinteiro que non só traslada nela as súas ferramentas eléctricas senón que emprega a propia moto como xeradora de enerxía para utilizalas.

ou condición de vehículos de 0 emisións cos seus propulsores 100% eléctricos cumpre o obxectivo de sustentabilidade. Adeus á gasolina, os aceites ou os líquidos refrixerantes, e benvido un mantemento tan reducido como económico. Nos motores eléctricos das motos de CAKE hai moi poucas pezas móbiles e o seu mantemento é marxinal. Limpar o teu CAKE, cambiar pneumáticos, engrasar a cadea, revisar os freos e a suspensión é todo o que hai que facer. Simplemente hai que cargalas nunha toma de corrente doméstica, entre 2 e 3 horas, para alcanzar o 80% e 100% respectivamente, e a gozar.