En outubro de 2017, científicos do observatorio Haleakala, en Hawai, detectaron un obxecto interestelar en movemento próximo a Terra. Primeiro foi catalogado de cometa, pero esta hipótese foi descartada. Chamado Oumuamua, «mensaxeiro» ou «explorador» en hawaiano, finalmente foi catalogado como asteroide, si ben a súa forma e o seu comportamento diferían do resto dos asteroides e cometas do noso sistema solar. Canto máis o observaban os científicos, máis estraño lles parecía. Cando Avi Loeb, catedrático de Astronomía de Harvard, suxeriu que Oumuamua era a evidencia de vida e tecnoloxía extraterrestre no espazo, se desatou o que probablemente sexa o debate científico máis relevante en décadas. Neste libro, Loeb presenta por primeira vez a súa teoría ao gran público e ofrécenos unha fascinante viaxe polo universo desde as orixes do tempo, do espazo e da vida.