Hoxe produciuse un acto simbólico que realizaron as alcaldesas de Salceda de Caselas, Loli Castiñeira, Salvaterra de Miño, Marta Valcárcel e O Porriño, Eva García, no lugar no que o pasado venres perderon a vida unha nai, a súa filla e o seu fillo menores de idade nun tráxico accidente de tráfico.

As alcaldesas de Salceda de Caselas, Salvaterra de Miño e O Porriño, xunto con representantes da policía local e o grupo de protección civil de Salceda, sumáronse en nome da veciñanza dos tres Concellos á dor das familias afectadas polo tráxico accidente que tivo lugar na noite do pasado venres, colocando un lazo negro en lembranza das víctimas mortais. Dende os tres Concellos queremos trasladar o apoio nun momento de tanta dureza.