Hyundai Motor Company mostrou máis detalles de deseño da súa nova liña de vehículos polivalentes ( MPV), STARIA, antes da súa estrea mundial dixital, previsto para a primeira metade de 2021.

Deseñado tanto para as familias como para as empresas, o STARIA ofrece solucións de mobilidade de alto nivel que fan que o tempo a bordo do vehículo sexa máis cómodo, produtivo e valioso. Ademais, o STARIA ofrece un adianto da innovación en materia de espazo que estará dispoñible nos diferentes vehículos para fins específicos ( PBV) na futura era da mobilidade.

O aspecto xeral do STARIA está baseado no concepto “de dentro a fóra”, unha nova metodoloxía de deseño para a mobilidade do futuro que inicia o proceso de creación no interior e amplíao ao exterior. Isto é un reflexo da resposta de Hyundai aos recentes cambios que se produciron nas necesidades dos consumidores, que priorizan o uso do espazo interior. Hyundai presentará oficialmente o STARIA nun evento dixital de alcance mundial que terá lugar na primeira metade de 2021. Pronto se revelará máis información sobre a estrea mundial.