O Partido Popular do Porriño conseguiu a colaboración da empresa Darlim, con sede no concello, para doar aparatos medidores de CO₂ á asociación local de hosteleiros Ahospor e, deste xeito, que os restaurantes cumpran cos requisitos do Plan de Hostelería Segura de Galicia, que entre outras cuestións, esixe garantir a calidade do aire no local.

O voceiro do PP, Alejandro Lorenzo, agradece a colaboración e solidaridade de Darlim, que permitirá que os restaurantes do Porriño cumpran cun requisito obrigatorio desde hoxe para servir ceas.

O popular destaca que “o noso partido se puxo a disposición, desde o  primeiro momento da pandemia, a colaborar e axudar aos veciños e diferentes colectivos locais”, e por iso agora non dubidaron en dar un paso máis e en buscar solucións para que os restaurantes do Porriño sigan avanzando na desescalada segura proposta pola Xunta. Nesta liña, Lorenzo anima aos veciños a facer uso da hostalería local “con sentidiño”.