“As mulleres viaxamos. Moito. Desde sempre. Soas, con amigas, cos fillos e fillas, de novas, de vellas... Ao longo da historia temos numerosos exemplos de mulleres que deixaron atrás os convencionalismos e botáronse a andar, subiron a burros, barcos, trens e tamén avións que incluso pilotaron. Somos máis intrépidas do que coñecemos e imaxinamos. Móvenos o pracer, a paixón, a valentía, a aventura, a espiritualidade... —sinala Sabela Losada Cortizas, autora do libro—, porén é moi difícil atopar información sobre estas mulleres referentes: descoñecemos totalmente os seus nomes e as súas experiencias.”

O libro O CAMIÑO DAS MULLERES ten como obxectivo a recollida e a posta en valor da experiencia de viaxe e de peregrinación feita por mulleres, así como a promoción do Camiño de Santiago desde o seu lado máis humano, sostible e transformador.