Segundo informan dende o PSOE "recentemente o Concello de Mos culpaban nunhas declaracións a Fomento e a Deputación de Pontevedra, de non facilitar os permisos para lograr a retirada do tráfico pesado das zonas urbanas, en concreto, Puxeiros e Sanguiñeda". Isto motivou una moción presentada polo grupo socialista na que solicitaban un plan alternativo para o tráfico pesado e así poder levar a cabo ese proceso de liberar os núcleos urbanos.

Dende o grupo municipal socialista din que a súa primeira moción desta lexislatura "foi solicitar a supresión do tráfico pesado da zona de Puxeiros, moción que o goberno local se negou a levar a pleno alegando que estaban elaborando un proxecto". Tras falar cos técnicos e solicitar dito informe, tan so foilles "entregado un informe da policía local debido a que non había outro tipo de información".

"O Concello de Mos solicitou en agosto do 2020, un ano despois do que din nas súas declaracións, o permiso para a colocación de sinais verticais para a retirada do tráfico pesado. Dende a Deputación se lle solicitou máis información porque non presentaban un proxecto plantexando alternativas para a circulación de dito tráfico, aos 15 días presentaron unha información por sede electrónica e 15 minutos despois solicitaban que non se tivese en conta por conter erros. Dende novembro o Concello de Mos non volveu presentar ningún tipo de información para continuar co proxecto, provocando a paralización do expediente" explican.

"De igual forma aconteceu con Fomento, que para prohibir a entrada dende a saída 9 da A-55 precisan un plan alternativo que non lles foi remitido. E en base a esta falta de documentación para continuar co proceso, a bancada socialista plantexou este debate no pleno que tivo un voto negativo por parte do Partido Popular pese a ter as competencias en materia de tráfico. O goberno di negarse a facer dito plan, esperando que sexa algunha das outras administracións a que se faga cargo dun traballo puramente municipal" aseguran dende o PSdG-PSOE de Mos.

Por este motivo a voceira socialista, Victoria Alonso, solicita "unhas desculpas por parte do goberno local ante toda a veciñanza polo engano que acaban de acometer. Así como elaborar o proxecto pese ao seu voto negativo en pleno, e que sexa de obrigado cumprimento a maior brevidade". Alonso recalca que esta "é outra mostra máis do descaro co que goberna o Partido Popular, que non mostra ningún tipo de contemplación a hora de usar mentiras para xustificar a súa ineficacia e falta de seriedade ca veciñanza". Finaliza dicindo que "as mentiras teñen as patas moi cortas, que non deberían usar estas tácticas para atacar a administracións que non están gobernadas polo PP xa que estanse desacreditando eles mesmos".