O concepto camper –unha furgoneta adaptada para viaxar, coa máxima habitabilidade para facer vida nela- é sinónimo de vida ao aire libre, liberdade e viaxes nos que se descobren e gozan os recunchos máis inexplorados.

Esta tendencia experimentou un notable crecemento nos últimos anos. Segundo Indie Campers, unha das plataformas líderes de alugueiro de autocaravanas e furgonetas camper en España e Europa, en xullo de 2020 experimentouse un crecemento do 150% nas reservas nacionais en comparación co mesmo período do ano anterior.

Con máis de 40 anos de evolución e éxitos no seu haber, a IVECO Daily gañouse con suor ser o vehículo de transporte lixeiro por excelencia. Este modelo conquistou numerosos premios, o que a converteu nun referente no mercado.

Sobre este modelo, nace a IVECO Daily Camper para satisfacer a demanda, cada vez máis crecente, de usuarios que apostan por unha filosofía de vida máis próxima á natureza, que lles permita a experiencia única de gozar do seu tempo de lecer ou vacacional coa flexibilidade de improvisar os desprazamentos, sen horarios, poder explorar novos recunchos e coa comodidade de levar consigo todo o necesario para recrear a súa estancia, sentíndose como na casa.

IVECO e Camper Eurogaza unen a súa experiencia para crear a IVECO Daily Camper que se sitúa na gama alta desta categoría grazas á súa habitabilidade, tecnoloxía, seguridade e equipamento. Camper Eurogaza é unha empresa especializada no deseño, produción e instalación de carrocerías e exteriores de vehículos camperizados. Con máis de 30 anos de experiencia, destaca pola súa calidade e innovación.