Redondela celebra o día mundial do medio ambiente con rutas interpretativas e actividades sobre a biodiversidade.

Ante a celebración do día mundial do medio ambiente o Concello de Redondela oferta un programa de actividades para todos os públicos na mañá do sábado día 5 de Xuño.

Actividades día mundial do medio ambiente.

09:30h
A Chapela esquecida.
Ruta guiada polos muíños dos ríos Pugariño e Maceira.
Saída dende o centro de saúde de Chapela, Esta actividade dará a posibilidade o participante de descubrir os lugares que agochan as marxes e leitos destes ríos. Descubrindo muíños ocultos, lavadoiros, camiños e sendas da Chapela máis descoñecida. A actividade estará dinamizada por Álvaro Diego guía local.
Actividade de balde prazas limitadas

10:00h
Saída en kayak na rede Natura 2000
Saída porto de cesantes. Actividade para coñecer a biodiversidade da enseada con parada na illa de San Simón. A actividade estará dinamizada por Alecrín Aventura e Medio Ambiente.
Prezo actividade 15 euros prazas limitadas.

10:00h
Presentación da ruta interpretativa do Río Maceiras
Saída dende o Salgueiral onde se presentará o panel principal. Na Ruta haberá láminas sobre a flora e a fauna do río Maceiras en diversos puntos do percorrido. Presentación das láminas gañadoras do concurso infantil Museo o aire libre realizado polos alumnos e alumnas do CEIP Plurilingüe de Quintela. A actividade estará dinamizada por Faia Educación Medio Ambiental.

12:30h
Presentación das esculturas de biodiversidade
Na presentación o participante poderá descubrir en exclusiva unhas esculturas de cinco especies da enseada de San Simón que serán un novo atractivo na praia de Cesantes. A actividade estará dinamizada por Faia Educación Medio Ambiental.
Nesta actividade animamos os participantes a dar un paseo libre polo entorno natural antes da presentación que terá lugar a 100 metros o Hostal Antolín.