O Novo Citroën C3, o turismo da marca máis vendido no mundo, é tamén un bestseller en España. No que vai de ano, o modelo de Citroën é o líder do seu segmento. Un éxito que responde as súas características inspiradas nas necesidades das persoas: deseño moderno, personalización, con 97 combinacións de cores posibles no exterior e tres ambientes interiores; confort único e seguridade, con 12 tecnoloxías de axuda á condución e conectividade.

Compacto e áxil, o Novo C3 resulta ideal para a cidade onde se integra con facilidade no tráfico urbano grazas ás numerosas funcións de asistencia á condución como, por exemplo, o sistema de recoñecemento dos límites de velocidade, que traballa en sincronía co regulador/limitador de velocidade para evitar o risco dunha indeseada sanción por superar os límites establecidos en cada vía.

Tamén dispón da alerta de cambio involuntario de carril e do sistema de vixilancia do ángulo morto: mediante unha testemuña que se acende dentro do espello retrovisor ao lado correspondente, o sistema avisa da presenza dalgún vehículo no ángulo morto. Trátase dun sistema moi útil en cidade, pero tamén nas vías rápidas e, por tanto, nos desprazamentos extraurbanos.

Arrincar en pendente? Nada máis fácil grazas á función Hill Assist que impide que o coche retroceda involuntariamente cando deixa de presionarse o pedal do freo. Funciona en pendentes superiores ao 3% estabilizando o coche durante 2 segundos.