Os científicos prometéronnos coches voadores, turismo espacial e robots superinteligentes. Pero aínda que vemos avances en todos eses campos cada día, a realidade é lixeiramente distinta.

Neste libro fálase dese futuro prometido e de onde estamos: da orixe da internet, dos primeiros computadores e hackers e da carreira espacial, con explicacións e ilustracións fáciles de entender. Sen esquecer a importancia da enerxía nuclear ou o reto para a humanidade que supoñen as cuestións sobre privacidade na rede, a emerxencia climática ou as pandemias.

Microsiervos é un dos maiores e máis coñecidos weblogs de divulgación sobre ciencia e tecnoloxía de España. Se tes amigos geeks, seguro que o coñecen; se algunha vez buscaches unha resposta en Google sobre cuestións científicas ou técnicas seguramente leses algo escrito por eles. Este libro pon ao día algúns dos seus mellores artigos xunto con decenas doutros completamente novos.