O concelleiro de Deportes, Miguel Bouzó, quere trasladar os parabéns do goberno local ao Club Natación Ponteareas, que esta fin de semana acadaou importantes logros nas dúas citas pendentes, o Campionato de España alevín e o Campionato Galego júnior-absoluto de Ourense.

Por unha banda, na cita estatal celebrada en Tarragona, o nadador Yoel Faro acadou dúas medallas de bronce en 100 e 200 m braza, acadando a súa mellor marca nestas categorías. Tamén se clasificou para todas as finais das súas probas, acabando no 8º posto nos 400 m estilos e o 1º no 200 m estilos.

Grande actuación tamén do club ponteareán no campionato galego que se disputou en Ourense, con varias medallas individuais e nas probas de remudas. Entre elas destaca o ouro en 4x200 libre masculino absoluto conseguido, a primeira medalla nesta modalidade para o club. Ademais, o CN Ponteareas declarouse subcampión na clasificación xeral conxunta, quedou no terceiro posto co equipo feminino e no sexto co masculino.

Uns resultados que “reflicten o enorme traballo que fan cada día as nadadoras e nadadores nos adestramentos. Parabéns a todo o equipo e tamén ao club, que está a desenvolver un gran traballo na formación de novos valores deportistas”.