O concepto camper –unha furgoneta adaptada para viaxar, coa máxima habitabilidade para facer vida nela- é sinónimo de vida ao aire libre, liberdade e viaxes nos que se descobren e gozan os recunchos máis inexplorados. Esta tendencia experimentou un notable crecemento nos últimos anos. Se analizamos o mercado do modelo camper en España, a evolución foi exponencialmente significativa crecendo un 332% desde 2015 ata a día de hoxe en 2021.

Comercializáronse a data de xuño 3.278 unidades de Camper e espérase que haxa un crecemento dun 20% respecto ao ano 2020. Este segmento creceu, a pesar da pandemia, un 5% no exercicio do 2019 ao 2020.
Con máis de 40 anos de evolución e éxitos no seu haber, a IVECO Daily gañouse con suor ser o vehículo de transporte lixeiro por excelencia. Este modelo conquistou numerosos premios, o que a converteu nun referente no mercado.

Sobre este modelo, nace a IVECO Daily Camper para satisfacer a demanda, cada vez máis crecente, de usuarios que apostan por unha filosofía de vida máis próxima á natureza, que lles permita a experiencia única de gozar do seu tempo de lecer ou vacacional coa flexibilidade de improvisar os desprazamentos, sen horarios, poder explorar novos recunchos e coa comodidade de levar consigo todo o necesario para recrear a súa estancia, sentíndose como na casa.