A apertura da exposición terá lugar o sábado 14 de agosto no Centro Cultural de Xerme en Cabreira, o horario será de 10:30h a 13:30h e de 15:30h a 20:00h, poderá visitarse tamén o domingo 15.

A exposición contará con paneis onde se mostrarán datos dos elementos patrimoniais de Cabreira. Entre o contido poderán verse fotografías, planos e textos. Toda a documentación pretende achegar aos propios veciños o seu patrimonio, en definitiva unha visión que enriqueza o coñecemento diario que teñen del. Está aberto a todo o público que se queira achegar.

Dende Lazoiro explican “esta iniciativa pretende facer un labor de divulgación do Patrimonio Cultural da parroquia de Cabreira, é o terceiro ano que se leva a cabo este tipo de iniciativa de aproximar a acción da asociación ás parroquias, a anterior edición foi en Alxén, e que pretende ter continuidade no tempo”.

Un dos obxectivos de realizar a exposición é, segundo afirman “a necesidade de coñecer máis sobre a memoria nas nosas parroquias, desta forma poderemos ampliar o proxecto de recuperación fotográfica Memoria de Salvaterra, no que levamos anos traballando”