O cemiterio de Pereiró será, un ano máis, o escenario das visitas guiadas durante os días previos e posteriores á celebración de Todos os Santos. O Concello organiza durante os meses de outubro e decembro 21 días de roteiros teatralizados e caracterizados polo cemiterio municipal de balde. O prazo para as primeiras inscricións  está aberto.

O alcalde adiantou en rolda de prensa que haberá visitas durante 21 días: 14, 15, 16, 17, 20, 21, 22, 23, 24, 26, 27, 28 de outubro e 6, 7, 10, 11, 12, 13 e 14 de novembro. As rutas terán unha duración de 90 minutos e poderase reservar na web www.rutascementerio.vigo.org o 12 de outubro para a primeira semana e despois o luns de cada semana desde as 9 horas ata as 14 horas do día da visita.

Abel Caballero sinalou que haberá 3 grupos de 25 persoas por día e as horas de entrada son ás 18:30, 19:00 e 19:30 horas. O punto de encontro será na porta principal do cemiterio de Pereiró.

Pereiró é o maior cemiterio de Vigo. De propiedade municipal, foi proxectado por Jenaro de la Fuente a finais do s. XIX. A súa arquitectura e escultura funeraria alcanzan notable importancia e son relevantes os aspectos antropolóxico e históricos que garda.