A voceira socialista, Victoria Alonso, di non entender como o PP de Mos non escoita as propostas dos socialistas para os orzamentos municipais nin acepta o debate. Afirma que “claramente o Partido Popular ten unha actitude negativa ante tódalas cuestións que nacen do seno socialista, e que isto debese a un intento por ocultar o traballo que están a facer dende a bancada da esquerda”. Alonso tamén quere recordarlle a actual rexedora que “non escoitar os socialistas é non escoitar a unha parte da veciñanza, polo que se quere gobernar de costas a unha parte de Mos, non pode seguir no cargo da administración local”. A voceira socialista recórdalle que tamén é labor dunha boa rexedora deixar a un lado as cores políticas polo ben de toda a veciñanza como é este o caso.

Lembra que “en anos anteriores as propostas de cara o pleno de aprobación dos orzamentos tampouco foron escoitadas, polo que din os socialistas que propuxeron unha moción cunha batería de propostas para estudar a súa inclusión nos orzamentos do ano 2021”.