O novo libro do filósofo vivo máis lido do mundo.

«Hoxe estamos na transición da era das cousas á era das non-cousas. Non son as cousas, senón a información, o que determina o mundo en que vivimos.»

Hoxe en día, o mundo baléirase de cousas e énchese de información inquietante como voces sen corpo. A dixitalización desmaterializa e descorporeíza o mundo. En lugar de gardar recordos, almacenamos inmensas cantidades de datos. Os medios dixitais substitúen así á memoria, cuxo traballo fan sen violencia nin demasiado esforzo. A información falsea os acontecementos. Nútrese do estímulo da sorpresa. Pero este non dura moito. Rapidamente sentimos a necesidade de novos estímulos, e afacémonos a percibir a realidade como unha fonte inesgotable destes. Como cazadores de información, volvémonos cegos #ante as cousas silenciosas e discretas, incluso as habituais, as miúdas e as comúns, que non nos estimulan, pero ancórannos no ser.

O novo ensaio de Byung- Chul Han xira ao redor das cousas e as non-cousas. Desenvolve tanto unha filosofía do smartphone como unha crítica á intelixencia artificial desde unha nova perspectiva. Ao mesmo tempo, recupera a maxia do sólido e o tanxible e reflexiona sobre o silencio que se perde no ruído da información.