Hospitalizada unha persoa por inhalacion de fume nun incendio en Vigo

Unha persoa necesitou ser trasladada por inhalación de fume logo de declararse un incendio nunha vivenda dun edificio da Rúa Baixada a Herba, en Vigo.

Ás tres e cuarto da madrugada, unha persoa particular chamou ao 112 Galicia para informar de que estaba vendo saír fume polas fiestras dun piso e que tamén escoitaba berros dunha persoa pedindo axuda.

Con esta información, desde o CIAE-112 Galicia deuse aviso inmediato aos Bombeiros da cidade, aos servizos sanitarios e aos axentes da Policía Local.

Finalmente, a dotación dos Bombeiros de Vigo confirmoulle aos operadores do 112 que ardera unha frixideira e parte da campá extractora da cociña da vivenda e que, debido ao fume, unha persoa resultou afectada e tivo que ser trasladada ao centro hospitalario de referencia.