Corre o ano 1834 e Madrid, unha pequena cidade que trata de abrirse paso máis aló das murallas que a rodean, sofre unha terrible epidemia de cólera. Pero a peste non é o único que aterroriza aos seus habitantes: nos arrabaldes aparecen cadáveres desmembrados de nenas que ninguén reclama. Todos os rumores apuntan á Besta, un ser a quen ninguén viu pero ao que todos temen. Cando a pequena Clara desaparece, a súa irmá Lucía, xunto con Donoso, un policía chosco, e Diego, un xornalista buscavidas, inician unha frenética conta atrás para atopar á nena con vida. No seu camiño tropezan con frei Braulio, un monxe guerrilleiro, e cun misterioso anel de ouro con dúas mazas cruzadas que todo o mundo cobiza e polo que algúns están dispostos a matar. De maneira maxistral, Carmen Mola tece, cos fíos do mellor thriller, esta novela impactante, frenética e implacable, de inferno e escuridade.