A deportista viguesa Susana Rodríguez Gacio seguirá a ser deportista galega de alto nivel e competindo por Galicia vinculada á Federación Galega de Atletismo, no marco da que vén de crear o seu propio club de atletismo adaptado, da man do seu guía, Celso Comesaña.

Que Susana Rodríguez Gacio acuda a outra comunidade autónoma para prepararse como triatleta reflicte tan só unha serie de diferenzas coa Federación Galega de Tríatlon. Galicia é unha comunidade pioneira no pulo ao deporte adaptado como demostra ter igualado as axudas concedidas a deportistas olímpicos e paralímpicos.

Susana Rodríguez Gacio seguirá a ser unha das 540 deportistas galegas de alto nivel e seguirá recibindo as axudas da Xunta de Galicia como ocorreu nos últimos Xogos de Toquio.