O futuro baseado no hidróxeno

O primeiro vehículo comercial lixeiro de hidróxeno de produción xa está listo. O primeiro Opel Vivaro-e HYDROGEN que saíu da liña de montaxe empezará a operar sen emisións na frota do fabricante alemán de electrodomésticos premium Miele. Este vehículo eléctrico de pila de combustible da marca do raio desenvolverá o seu traballo na rexión do Rin- Meno.

O Vivaro-e HYDROGEN está baseado no actual Opel Vivaro-e 100% eléctrico, galardoado como “ International Van of the Year 2021”. Cos depósitos de hidróxeno cheos a súa autonomía supera os 400 quilómetros. A pila de combustible de 45 kW é capaz de xerar suficiente enerxía para unha condución continua en autoestrada. A súa reposición só precisa tres minutos para cargar hidróxeno, máis ou menos o mesmo tempo que se emprega ao encher un vehículo diésel ou de gasolina convencional.