Os hóspedes que van chegando ao encantador e remoto hotelito Mitchell's Inn obsérvanse mutuamente con interese pero desde unha prudente distancia. Todos eles recalaron alí en busca dun relaxante (quizá ata romántico) fin de semana no medio do bosque e lonxe das súas vidas. O hotel presume de contar con acolledoras habitacións, elegantes chemineas de leña e unha adega ben variada. A oportunidade perfecta para practicar o esquí ou aniñarse na cama cunha boa novela de misterio.

Pero cando unha violenta tormenta azouta as montañas e corta a electricidade, o grupo vese completamente illado do resto do mundo. Ninguén pode entrar... nin saír. Entón descobren o primeiro cadáver, e a horrible verdade sae á luz. Teñen a un asasino entre eles. E non hai escapatoria.