Unha das primeiras medidas adoptadas polo alcalde Alejandro Lorenzo, tras a súa chegada a alcaldía, foi a reparación urxente de columpios e outros elementos dos parques infantís do concello.

As actuacións comezaron esta mesma mañá no Parque Infantil onde tres operarios do Servizo de Deportes comezaron a reparar o tobogán e outros elementos deste espazo, que se atopaban "en estado de abandono". O alcalde, en compañía do concelleiro Abel Estévez, acudiu a comprobar o inicio dos traballos.

Alejandro Lorenzo decidiu que "o mantemento dos parques infantís corre directamente á competencia da Concellería de Deportes, que conta con medios propios para acometer esta actuación de emerxencia que se extenderá a todos os parques infantís do municipio que se atopen nun estado lamentable", segundo o novo concelleiro porriñés.

Alejandro Lorenzo anunciou que se fará un "mantemento diario" e que "a principios de ano trataremos de destinar un orzamento para mellorar os parques infantís do Porriño cunhas instalacións acordes ao século que vivimos", concluíu o rexedor porriñés.