O slogan municipal SOMOSMOS está de moda e conta cunha gran aceptación, popularidade e éxito entre a veciñanza de Mos, facendo crecente o sentimento de pertenza dos veciños e veciñas, que grazas a el ven reforzada a condición identitaria mosense, polo que está a ter unha gran repercusión.

Neste sentido, para reforzar aínda máis ese sentimento veciñal de orgullo de formar parte do pobo de Mos, para dar a benvida ao municipio e tamén con obxectivos informativo e estético de embelecemento dos viais, o Concello de Mos instalou en 2021 a sinalización de SOMOSMOS en todas as rotondas e insterseccións viarias dos accesos a Mos desde concellos limítrofes, que comezaba a principios de ano pola do Alto de Puxeiros en Tameiga (límite con Vigo).

E remata o 2021 cos novos letreiros lumínicos en Cela-Alto de San Cosme (límite con Vigo), Louredo-Os Valos (límite con Redondela), Torroso-Peinador (límite con Vigo) e Guizán-Santiaguiño (límite con Redondela).
Nas rotondas das Angustias e Costilleta (límite co Porriño) xa se atopaban instalados os sinais de SOMOSMOS desde fai varios anos. No caso da rotonda das Angustias, proxectado nas pantallas da fonte instalada no centro da glorieta.