A Deputación de Pontevedra súmase ao loito oficial pola traxedia do afundimento do “Villa de Pitanxo”, con base en Marín e cuxa tripulación ten na súa maioría residencia nas vilas da comarca do Morrazo. A presidenta provincial Carmela Silva xa trasladou persoalmente as condolencias ás alcaldesas e alcaldes do Morrazo, María Ramallo (Marín); Félix Juncal (Bueu); Victoria Portas (Cangas) e Leticia Santos (Moaña), así como ao de Cambados, Samuel Lago e aos responsables da empresa Nores e da Cooperativa de Armadores de Vigo, aos que trasladou “a nosa dor e a nosa posta a disposición para todo aquelo que poidan necesitar”.

Desde este mércores, as bandeiras dos tres edificios da institución, o Pazo Provincial e o Edificio Administrativo en Pontevedra e a Sede de Vigo, locen a media hasta en sinal de duelo por esta nova traxedia marítima que sacode Galicia. Así mesmo, esta mañá gardouse un minuto de silencio en honra ás vítimas da traxedia de Terranova no acto en Vigo no que participou a presidenta Carmela Silva, a presentación do programa Kit Dixital celebrada na sede do Consorcio Zona Franca, xunto ao delegado David Regades e o director xeral de Red.es, Alberto Martínez Lacambra.

A institución provincial, que sigue moi pendente das noticias que chegan das labores de búsqueda dos mariñeiros desaparecidos, trasladou o pesar e o agarimo de toda a corporación ás familias e amizades das vítimas deste terrible naufraxio, a toda a veciñanza das localidades da provincia pontevedresa onde teñen asentada a súa residencia, así como a todo o sector pesqueiro galego.