Dende o Concello de Mos veñen de manifestar "a nosa máis rotunda condea e repulsa aos actos vandálicos reivindicados e perpetrados presuntamente polo ‘Comité Antifascista Lourinha’ a pasada madrugada, nos que retiran, pintan coa esvástica nazi, e substitúen por outra de apoio á invasión rusa de Ucraína, a pancarta de ‘Mos con Ucraína’ que se atopaba instalada na fachada da Casa Consistorial".

 

 

Uns feitos que dende o Concello calificaron de "vergoñentos e deleznables dos que este colectivo fixo gala, para máis INRI, nas súas redes sociais mediante a publicación e difusión de diversas fotografías e vídeos".

 

A administración local mosense rexeita e denuncia públicamente estes actos que fan apoloxía da violencia, da guerra, e da vulneración dos dereitos humanos e da autonomía dos estados soberanos; e comunica que xa se interpuxo denuncia formal dos feitos no cuartel da Garda Civil.

 

 

Por último sinalan coma "triste acontecemento o desta noite, co que lonxe de apoiar ás inocentes vítimas da guerra e da invasión, téntase criminalizalas polo mero feito de ser cidadáns ucraínos".