O Concello de Nigrán abre  ata o 11 de maio o prazo para a presentación de ofertas para explotar os quioscos de praia este verán, sendo a tempada desde a resolución en maio ao 30 de setembro, igual que o ano pasado.

Os prezos tamén se manteñen, oscilando desde os 2.500 € de Area Fofa ou Madorra aos 24.000 € de Praia América. A convocatoria foi publicada no BOP. En total, o Concello oferta 7 quioscos de venda de xeados, refrescos e alimentos (2 en Patos, 1 en Area Fofa, 1 na Madorra, 1 en Panxón e 2 en Praia América) e un de venda de churros en Praia América. A novidade é que o espazo de ocupación se amplía lixeiramente a superficie que poden ocupar ata os 70 metros cadrados.