Desde a concellería de Participación Cidadá do Concello de Mos proponse unha nova actividade cuxo prazo de inscrición atópase xa aberto.

Trátase dunha iniciativa que se leva a cabo por segunda vez en Mos e pretende achegar o teatro á veciñanza mosense e para elo os interesados poderán contar con transporte gratuíto para asistir a unha obra profesional na Estrada, tendo que aboar únicamente 3 euros por persoa en concepto de entrada. Esta interesante actividade conta con subvención do Programa de Mobilidade do Centro Dramático Galego.

A  obra da que poderán gozar os participantes na iniciativa é ‘Ás oito da tarde, cando morren as nais’, de Avelina Pérez con dirección e dramaturxia de Marta Pazos. Trátase dunha producción do Centro Dramático Galego que se representa no Teatro Principal de A Estrada.

A iniciativa leva por título ‘Sobes ao autobús do teatro?’ e atópase incluída no Programa de Mobilidade do Centro Dramático Galego.

A data en que se realizará a actividade será o 4 de xuño con hora de saída ás 18:30 horas e lugar de saída desde o Multiusos das Pozas. A hora de regreso será ás 22:30 horas.

O prezo da entrada é de 3€ e o prazo de inscrición permanecerá aberto ata completar o total de 50 prazas dispoñibles. Trátase dunha actividade para maiores de 18 anos.

Para máis información e inscricións, na Sede Electrónica ou na oficina de Participación Cidadá (OMIX) do Concello de Mos.