Hai momentos na vida en que sentes unha tristeza e un baleiro inexplicables. Pasas da risa ao pranto, non podes durmir, fáltache o aire. Es consciente de que algo dentro de ti non vai ben a pesar de que aparentemente o tes todo. Con todo, sentes un baleiro difícil de explicar.

No seu diario máis íntimo, persoal e descoñecido, Tamara Gorro abre a mochila do seu pasado para mostrarnos á nena que con cinco anos tivo que vivir experiencias que non debería ter ou á adolescente que sufriu un terrible episodio que cría esquecido. Armándose de valentía e coa axuda dunha psicóloga e dunha psiquiatra iniciará unha terapia que non sempre será fácil.

Cando o corazón chora é un relato cheo de sinceridade e de verdade onde a autora revisa algúns dos episodios máis duros da súa vida co fin de curar feridas para mellorar o seu presente e sentirse ben e en paz consigo mesma.

Queres dicir que o que me está sucedendo ten que ver co pasado? Porque eu tiven unha vida moi bonita, Luz.
O que quero dicirche é que moitas veces non estamos mal polo agora, polo presente, que tamén suma, por suposto; son pequenas pedras. Estamos mal porque arrastramos o pasado e o que sucedeu entón sae cos anos. Ninguén nega que tiveses unha vida preciosa, pero poden existir feitos do onte que estean a marcar o hoxe. En terapia iremos vendo.