Abel Caballero e María José Caride, acompañados por técnicos municipais e da empresa construtora, pasaron revisión ao avance dos traballos para erixir un ascensor panorámico con capacidade para trece persoas que unirá a Praza da Estación con Urzáiz e Vía Norte.

Na Praza da Estación, o elevador partirá xusto ao lado do acceso principal ao centro Vialia, no mesmo rasante, cubrindo o espazo que queda entre o edificio deseñado por Thom Mayne e o muro da estación. O Concello adica ao efecto 387.000 euros. egundo indicou Abel Caballero, poderá estar operativo no mes de xullo.

Durante a visita, Caballero e Caride puideron comprobar como quedará a confluencia de Urzáiz e Vía Norte, que estará pavimentada con granito e que suporá na práctica a ampliación da beirarrúa. Ademais, o goberno de Vigo instalará zonas axardinadas, mobiliario urbano e novas redes de pluviais e electricidade.