Os concelleiros/as socialistas de Ponteareas, defenderan no seo do goberno municipal, a necesidade de colocar xardineiras de maior porte e facilmente movibles, para substituír as recentemente instaladas en varias rúas da vila.

O PSdeG aposta por elementos ornamentais urbanos de maior tamaño tal e como existen noutras vilas e cidades do noso entorno, que permitan a súa perfecta visualización e cumpran coa función de ornamentación das rúas peonís. Deberán ademais poderse mover facilmente cando sexa necesario para a festividade do Corpus ou para a celebración doutros eventos como probas deportivas, desfiles etc.

O Secretario Xeral dos socialistas de Ponteareas, Delfin Domínguez defende  “entendemos que é necesaria a substitución das actuais xardineiras por outras de maior porte, que non supoñan o perigo de trompazos e caídas dos peóns” e engade ” a ornamentación das rúas peonís ten que ser un elemento amable e de beleza e non entorpecer e dificultar, xa que sería contrario ó obxectivo  dunha rúa peonil”.  Por último di “ esta substitucion das xardineiras é especialmente urxente nas rúas onde se poñen os postos da feira, xa que dada a aglomeración de xente o perigo de tropezar e caer é maior”.