Os concertos do Xacobeo 21-22 e a programación musical do verán en Vigo vivirán o vindeiro 8 de setembro a actuación máis agardada coa chegada do espectáculo da banda británica Muse ao Estadio de Balaídos. A promotora do concerto xa presentou nas últimas horas no Concello de Vigo a modificación do Plan de Autoprotección e agarda agora a súa validación para poñer canto antes á venda as novas entradas que haberá en pista.

O aumento do aforo foi posible grazas a mellora dos corredores de evacuación e a aplicación das medidas de seguridade esixidas pola Lei de Espectáculos. Desta forma, será posible elevar a capacidade para a actuación con 2.400 entradas máis en pista.

 

Os axustes dos requisitos para establecer os corredores de evacuación e as medidas de seguridade elevan o espacio dispoñible no estadio vigués

 

A montaxe do escenario comezará o próximo 3 de setembro e a delegada territorial da Xunta en Vigo, Marta Fernández-Tapias, destacou este xoves que a actuación do grupo británico vai a ser muy especial. “Supón o regreso a Balaídos dos grandes concertos que non se celebran desde hai más de vinte anos, vai a ser histórico”, sinalou.

Compromiso da Xunta
A delegada lembrou que foi o compromiso da Xunta o factor determinante para conseguir que a actuación se celebre en Vigo. “Será unha das tres únicas datas que ten reservadas Muse en España e estou segura de que sen ningunha dúbida vai a ser o mellor concerto do verán en Galicia”, engadiu.

The Killer Barbies
O grupo Years&Years e a viguesa Silvia Superstar, á fronte do grupo The Killer Barbies,, serán os teloneiros da banda liderada por Matthew Bellamy.  Despois de pasar por Madrid, no  Mad Cool Festival, e polo Estadio de Balaídos, Muse actuará en Málaga o vindeiro 10 de setembro. As entradas para a actuación en Vigo foron vendidas en menos de 24 horas.

Calendario musical do Xacobeo en Vigo
Xacobeo Importa: 17 de xuño: Pat Metheny – Auditorio Mar de Vigo 26 de xuño: Marisa Monte – Afundación 7 de xullo: Agnes Obel – Afundación 10 de xullo: Leon Bridges – Auditorio Mar de Vigo

Rufus Wainwright: 2 de xullo (Afundación)

Ciclo Xacobeo Vigo (Auditorio Mar de Vigo): 6 de xullo: Fat Freddy’s Drop 17 de xullo: Steve Vai 22 de xullo: Yann Tiersen 9 de agosto: Texas
26 de agosto: Cimafunk
18 de setembro: Mayumaná

Festival Latitudes: (Porto de Vigo)
19 de agosto: Two Door Cinema Club, Mando Diao, Bala e Zalomon Grass
20 de agosto: Iggy Pop, The Vaccines, Aphonic, Furious Monkey House, Sylvia Supertar

C. Tangana: 23 de agosto (Porto de Vigo)

Festival Música Urbana: 27 de agosto (Porto de Vigo) Ayax y Prok Quevedo Califato Sila Lúa Safree

Muse: 8 de setembro en Balaídos

Fito & Fitipaldis: 28 de outubro no Auditorio Mar de Vigo