Onte levouse a cabo a Mesa Sectorial: GPS o Emprego  da man do tecido empresarial de Mos e contando coa asistencia e participación da alcaldesa Nidia Arévalo e da  Concelleira de Promoción Económica, Desenvolvemento Empresarial e Emprego, Julia Loureiro, en horario de 10:00h a 12:30h no espazo colaborador ZEN SUITE & GARDEN.

Contouose coa colaboración de Tania Herbojo, técnica de selección de  Vegalsa Eroski; Sandra Lalín, responsable de Recursos Humanos de ILUNION; Camilo González, Coordinador de Formación e Xestión de Calidade do Grupo Lar; Carlos Casal,  HR Manager de Benteler e, Lucía Alonso como CEO da Quinta de Rivas.

Estes e estas profesionais compartiron con 60 participantes, integrantes do Programa Integrado de Emprego e demáis interesados/as, as claves dos seus procesos de selección, os diferentes perfís profesionais que buscan e os requisitos e actitudes valoradas dende a perspectiva dos propios técnicos e técnicas de selección para, deste xeito,  poder acadar con éxito a inserción laboral.

Para cerrar o evento, realizouse un “Cofee-break”  participativo onde todas as persoas participantes tiveron a oportunidade de compartir os seus intereses e motivacións profesionais co persoal integrante da mesa sectorial.

A iniciativa atópase incluída no Programa Integrado de Emprego do Concello de Mos e foi guiada pola directora do mesmo, Cecilia Prieto. 

Tanto dende o Concello de Mos coma dende o Protrama Integrado de Emprego quixeron agradecer a colaboración e participación activa tanto das persoas asistentes coma das empresas que ofreceron as súas claves dos seus procesos de selección de persoal.