Caballero subliñou un fito histórico no documento do Goberno de España, a autovía Vigo-O Porriño en túnel: “Nunca estivo nuns Orzamentos. É unha realidade irreversible e irrenunciable”, sentenciou. Tamén quixo recordar en declaracións que o Partido Popular e Feijóo trasladáronlle á ministra de Transporte nunha rolda de prensa “que aforrara os 350 millóns”

O alcalde avanzou en declaracións aos medios que a próxima semana estará en Vigo a secretaria de Estado de Transportes, Mobilidade e Axenda Urbana, Isabel Pardo de Vera, para anunciar os avances en materia ferroviaria, logo de ter rematado o estudo hidroxeolóxico da liña de alta velocidade Vigo-Ourense por Cerdedo e o estudo de alternativas da saída sur ferroviaria de Vigo. Tamén recibirá a Medalla da Cidade outorgada este ano e que non puido recoller por motivos persoais.

“Estou encantado coa xuntanza, son boas noticias para Vigo. Quero que sexa a secretaria de Estado a que anuncie estes avances”, concluíu.