"Xa pasou moito tempo dende que este servizo se deixou de prestar na zona e urxe a súa reposición" sinalan dende o PP local.

Desde a xerencia do SERGAS xa deron as indicacións necesarias para a reapertura correspondente hai semanas, pero aínda está pendente a resposta por parte da alcaldesa de Tomiño.

"Este asunto debería ser unha prioridade para o goberno municipal, o cal adoita demorarse en exceso á hora de resolver os problemas realmente importantes, actuando de forma irresponsable e botando balóns fora" sinalan os populares nun comunicado feito público esta semana.

"Durante todo este tempo, o BNG de Tomiño dirixido por Sandra González instou ao goberno autonómico para achegar unha solución a sabendas da complexidade e o tempo que iso supón, namentres non se dignaron en avanzar a súa parte correspondente coa procura dunha instalación adecuada" engaden.

Para o Partido Popular "o resultado era de esperar: as autoridades sanitarias e a Xunta xa completaron o seu traballo mentres que ao goberno municipal temos que esixirlle que se poña mans a obra cunha cuestión que xa deberían ter resolto fai meses, co prexuízo que iso supón para todos os veciños".