O Concello de Tui, a través do departamento de Servizos Sociais, organiza un ano máis, en colaboración coa Asociación Española contra o Cancro, un curso de dehabituación tabáquica, dirixido a persoas maiores de 18 anos.

Esta actividade comezará o próximo mes de xaneiro, celebrándose os mércores de 17 a 18.30 h. Constará de 7 sesión de hora e media cada unha  na que se brindará apoio técnico, consellos e acompañamento no proceso de deixar o tabaco.

As prazas son limitadas e as persoas interesadas poden inscribirse até o 30 de decembro no teléfono 986 60 36 25 ou no correo paula.ssociais@tui.gal.