O "Jaguar" F-PACE resulta máis atractivo que nunca con especificacións optimizadas, unha gama simplificada, máis autonomía no híbrido enchufable P400e e un sistema de infoentretenimiento mellorado.

Na gama 24MY, o P400e segue liderando as opcións do F-PACE con motor electrificado e agora a batería de ións de litio é máis grande, xa que inclúe nove módulos no canto de oito, para aumentar a capacidade de almacenamento de enerxía ata os 19,2 kWh. Desta forma, amplíase a autonomía completamente eléctrica de 53 km a un máximo de 65 km, o que supón un aumento de máis do 20 %. Esta mellora tamén reduce as emisións de CO2 e o consumo de combustible, que agora alcanzan as cifras de 37 g/km e ata 1,6 litros ao 100 km (WLTP TEL).

A potencia combinada de 404 CV do P400e e os seus 640 Nm de par permiten ao vehículo pasar de 0 a 100 km/h en só 5,3 segundos. Esta fabulosa mestura de eficiencia mellorada e rendemento excepcional agora está dispoñible en máis mercados, como Xapón e Singapura. O P400e xa supón máis dun 10% das vendas do F-PACE en todo o mundo. En países onde os vehículos electrificados espertan un especial interese, como os Países Baixos, espérase que esta cifra suba mesmo ata o 98 %.

Os clientes do F-PACE de todo o mundo poden gozar dunha gama de modelos simplificada e máis específica. Xa non están dispoñibles versións que non sexan R-Dynamic para harmonizar a oferta á vez que se ofrecen especificacións melloradas.