O voceiro do Partido Popular de Pontevedra, Alberto Pazos, lamenta os actos vandálicos na sede local do PP de Ponteareas, que amenceu cunhas pintadas no seu portal.

Ademais, recorda que “todos os avances sanitarios que está a ter Ponteareas estanse conseguindo grazas ao Partido Popular, e co voto en contra dos partidos que sustentan ao actual goberno local”. Así, indica que a nova unidade de saúde mental dótase grazas a prazas de persoal especialista creadas polos Orzamentos da Xunta aos que BNG e PSdeG votan sempre en contra: dúas prazas de psiquiatría, unha de psicoloxía e unha de enfermaría especialista que sustentan ao equipo que comezou a traballar en abril de 2022.

A maiores, a Xunta elaborou na pasada lexislatura un Plan Galego de Atención Primaria 2019-2021 que permitiu crear 331 prazas neses anos, 4 neste centro: 2 de medicina de familia, 1 de enfermería e 1 de matrona. As prazas de enfermería cubríronse coas oportunas ofertas de emprego e concursos de traslados pero as prazas de medicina de familia de Ponteareas resultaban de difícil cobertura, quedando sucesivamente vacantes, e incentiváronse adxudicándoas por concurso de méritos, unha nova categoría á que tanto BNG como PSOE presentaron emendas á totalidade no Parlamento galego.

É máis, engade Pazos, “foi o PP de Ponteareas quen promoveu no Pleno do Concello a solicitude á Xunta de incluír o centro de saúde de Ponteareas dentro da convocatoria desas prazas e a iniciativa saíu adiante sen o apoio nin do PSdeG nin do BNG. É dicir, se fora polo goberno local de Ponteareas estas prazas non se convocarían. Ese é o verdadeiro interese que teñen pola sanidade pública”.