Pasadas as 8:30 horas, os particulares que alertaron ao 112 Galicia indicaban que a implicada estaba consciente. Non obstante, era incapaz de abandonar o vehículo, semienvorcado tras saírse da vía, polos seus propios medios.

Así, desde o 112 informouse a Urxencias Sanitarias de Galicia-061, aos Bombeiros do Porriño, que non chegaron a actuar, ao GES-SPEIS de Ponteareas, á Garda Civil de Tráfico e aos membros da Agrupación de Voluntarios da Mancomunidade de Oitavén-Tea.

Contra as 9:40 horas, os Bombeiros de Ponteareas informaban ao 112 de que tiveron que empregar o material de excarceración para retirar á muller ferida de dentro do seu vehículo, que acabara semienvorcado tralo accidente. Pola súa banda, o persoal dos servizos sanitarios desprazouse ata o lugar a bordo dunha ambulancia.