O BNG escolle como candidato a Alcaldía de Mondariz Balneario a César Gil. "Un candidato novo en idade, pero que conta xa cunha ampla experiencia no concello, combina a ilusión e a frescura da mocidade co coñecemento e madurez que lle dan os anos como concelleiro" sinalan

"Nas últimas eleccións so 3 votos evitaron o cambio no concello, 4 anos despois evidenciamos como ese cambio faise mais necesario que nunca. Mondariz Balneario precisa subirse o tren das vilas modernas e con futuro, e iso so vira da man de quen ten as ideas e a motivación para facelo. Mondariz Balneario merece un alcalde honesto, próximo e con capacidade para tomar decisións audaces e valentes que poñan os intereses do colectivo por diante dos persoais" explican os nacionalistas.

César Gil, candidato do BNG, asegura que “ se os veciños e veciñas de Mondariz Balneario así o queren converteremos Mondariz Balneario nunha vila viva e dinámica, con máis calidade de vida, máis e mellores servizos e máis actividade económica, devolveremos a dignidade ao patrimonio histórico e seremos garantes da defensa dos intereses dos veciños e veciñas”