Desde 1949, Abarth é sinónimo de condución deportiva, altas prestacións e goce ao volante. A electrificación, lonxe de afastarlle do seu legado e a súa identidade de marca, levou a unha procura aínda máis radical do seu ADN deportivo. Froito dun traballo que combinou a enxeñería máis precisa coas tecnoloxías máis avanzadas a marca do escorpión presenta o seu primeiro vehículo 100% eléctrico: o Abarth 500e. Todo un bólido do que se pode afirmar que é “máis Abarth que nunca”.

Os equipos técnicos de Abarth puxeron toda a carne no asador para crear un automóbil “cero emisións” pero cheo de sensacións. Irreverente, lúdico e audaz, o Novo Abarth 500e transforma tecnoloxía e sustentabilidade en adrenalina, sen escatimar nin un só detalle. Tívose en conta ata o “ruxido” dos motores térmicos Abarth, que, grazas á función “Sound Generator” superponse ao silencio da propulsión eléctrica nunha chiscadela aos máis nostálxicos. Aspectos como a arquitectura eléctrica, o par motor, a distribución de pesos ou o deseño espreméronse ao máximo para lograr as prestacións e o pracer de conducir que definen á marca.