Irene cre vivir o matrimonio máis perfecto do mundo. Anos de absoluta entrega e paixón entre dous seres humanos, así evoca ela o seu amor con Marcelo, o seu defunto marido.

Tiñan unha conexión que marabillaba e estrañaba ao seu círculo máis próximo: era unha parella que vivía o un para o outro, coma se cada día fose o primeiro. Esta relación, a maior das historias de amor, mantívoos illados da súa contorna, nas marxes da realidade común.

Coa perda de Marcelo, o mundo de Irene rompe, pero ela descobre unha insólita forma de seguir vivindo xunto a el para saír adiante. Esa maneira de lembrar e invocar a quen foi o amor da súa vida constrúe esta fantasía literaria.

Nós é unha novela que explora os límites do sentimento amoroso e á súa vez unha viaxe ás profundidades da alma dunha muller atrapada nunha utopía íntima, imaxinativa e mortal. Con todo, aos poucos iremos descubrindo que a soidade impón a súa lei e o seu racho.