Ata agora hai un total de 733 persoas inscritas na carreira e andaina CorreMOS contra o Cancro que terá lugar o vindeiro domingo en Mos. Cifra que desde a organización espérase que ascenda ata preto do milleiro de participantes, pois os interesados en participar na andaina aínda poden inscribirse o propio 26 de febreiro, antes da saída, no Pazo de Mos.

Dos inscritos a data actual, 216 participarán na carreira de adultos, 119 na carreira infantil e 398 na andaina.

A carreira 10K CorreMOS contra o Cancro está organizada pola admistración local mosense, e esta mañá a súa alcaldesa, Nidia Arévalo, e a polifacética deportista mosense, Verónica Romero, madriña da proba, animaron a todos os que aínda non o fixeran, a incribirse na andaina o propio domingo e sumarse a esta causa deportivo-solidaria de loita contra o cancro.

Este evento deportivo é solidario, polo que o recadado coas inscricións será íntegramente destinado á Asociación Española contra o Cancro.

A carreira celebrarase este domingo 26 de febreiro con saída e chegada ao Pazo de Mos. Ás 10.15h sairá andaina cun percorrido de 5K de distancia e ás 10.30h dará comezo a carreira 10K (1ª volta 5.400m e 2ª Volta 4.600m). O importe é de 5€ para a andaina e a carreira 10€.